Tras anos de traballo colaborativo, en Cotranslations ofrecemos diversos servizos lingüísticos cuns prazos de entrega competitivos e a maior calidade garantida. Os nosos idiomas de traballo son o español, o galego, o inglés, o francés e o portugués, pero só traducimos cara ás nosas linguas maternas (español e galego).
Traballamos principalmente con textos de márketing e xurídico-administrativos, aínda que tamén ofrecemos outros tipos de tradución e servizos lingüísticos. Durante a nosa traxectoria, participamos en proxectos de diversa índole e con distinto grao de especialización e por iso somos conscientes de que cada texto necesita valerse de diferentes estratexias lingüísticas para que o resultado sexa un fiel reflexo do orixinal e, ao mesmo tempo, a tradución resulte fluída e natural. Outros ámbitos nos que adoitamos traballar son:
- Tradución xeral e de textos divulgativos
- Tradución artística e humanística
- Tradución literaria
- Tradución audiovisual
- Localización
Pode que non precises unha tradución, senón unha transcripción dun audio ou dun vídeo, unha revisión ou corrección dun texto do que xa dispós ou que alguén cree contido para a túa web ou newsletter, servizos que tamén ofrecemos.
Como profesionais da lingua, o noso compromiso consiste en combinar a nosa experiencia coas necesidades específicas do servizo que precisas, polo que a boa comunicación co cliente é esencial durante todo o proceso.
Queres saber se a nosa experiencia se axusta ao que estás a buscar? Descarga a nosa folla de servizos ou escríbenos e pregunta o que precises. Tamén podes descubrir máis sobre nós na nosa presentación. Estamos desexando coñecerte e traballar xuntos!